De mert is ein ballónne-prach, de sjtraote zeen verseerd.
Kapelkes träöte door de nach, Gelaen wurt weer geeërd.
Dit zeen de daag, dit is d'n tied, wo ich ein jaor veur laef.
Die leefde raak ich noajts meë kwiet, wo ich hart en zeêl veur gaef..

Refrein:
Erm in erm, gans dich biejein,
nog eine keer danse mit dich allein.
D'n tied vlug veurbiej, mien hart dat sjteit sjtil.
Nog èns deez drie daag, is al wat ich wil..
Óm dan erm in erm, gans dich biejein,
mit dich te gaon danse, mit dich allein.
Geit sjtraks jed'rein heivesj, es al is gedaon,
blieve veer nog, erm in erm, hiej sjtaon.
Geit sjtraks jed'rein heivesj, es al is gedaon,
blieve veer nog aeve sjtaon.

En zelfs pès in de dinsdignach hilt gans Gelaen nog paol.
Ballónne hawte sjtil de wach, in kleureprach en praol.
Veer sjnappe ós èns in d'n erm, es veer dao same sjtaon.
Ein vlemke hilt ós hertje werm, nog is 't neet gedaon..