Toch jeder jaor óm dezen tied,
Höb veer mer eine winsj,
Me heurt 't dan van wied en zied,
Wae wurd noe ooze prins?
En waat ei Zittesch maedje dènk,
't Allereersch nao kik,
Of sóms neit de verlovingsrènk,
Al aan de vinger zit.

Refrein:
En heur veer allenei, allenei,
Van wiets de pappegey, pappegey,
Jao dan weit veer al waat kómme zal,
Dao is ‘Prins Carneval’.

Dae Prins, dae schlaon ich aan d'n haok,
Zoo dènke t'r dan mee,
Oos maedjes kómme aan de kaok,
Wie golve op ein zee.
Vertèld 't dan aan de pap,
Dan zaet dae gans bedaard:
‘Zoo haet 't oug dien mam gelap,
Goud kèndj waat nao heur aart!’
Refrein:

En men'ge Prins zout in de foek,
Nog veur dat hae 't wós,
Van Kirkrao koum neit eine droet,
Vraogt dat aan die van ós.
D'róm maedjes sjpant mer èns de val,
Veer höbbe deeze winsj,
Ich weit neit of 't lökke zal,
Veur jeder eine Prins!
Refrein: