Kôm minse, luuster nao ôs leed.
Ônthald 't good, vergaet 't neet:
We laeve allemaol maar eine kièr !
Wannier ste op ein beinke steis,
haos nao 't pierekempke geis,
dan wilste waal, maar och, 't geit neet mièr.
We gaeve um dus nôw nog efkes gaas,
we zegge proos, en höffe allemaol 't glaas.

Refrein:
Eine groëte of eine kleine, en we pakke d'r nog eine.
Want wèej löste um toch allemaol zoë gaer.
Eine groëte of eine kleine, en we pikke d'r nog eine.
Van je ein, twië huppela, dao geit-te haer !

Al is ze groët, als is ze klein,
d'n echte preuver vindt um fijn.
't Krageknöpke zit um in de waeg.
Hae amuseert zich tot en met.
Geit neet veur 's morges vrueg nao bed.
't Liëf zit vol, de portemonnée is laeg.
Hae moemelt ônder 't nao hoës toe gaon:
Had ik d'n allerletste nôw maar laote staon.

Ein rundje hèj, ein rundje dao.
Wae haet besteld, 't nae of jao ?
Det is veur mich ! zoë rup ein leeve Trees,
't wiegelt langszaam op en neer.
Daen alde pik d'r zich nog veer,
en zaet: det wuerd betaald door vader Drees.
Wèej viere fees vanaovond, det 't kraak.
Laot kômme nôw ein rundje veur de hiële zaak.