10.000 Miense kómme hie elke daag veurbie
10.000 Miense mit häör eige gelök en kloterie
Van deze daag höbbe die allemaol get verwach
Maar nooit det, waat dae eine gek haet bedach

10.000 Miense zin allemaol op waeg
En al die ambulances sjtaon noe nag laeg
Nemes wit waem van die 10.000 waert geraak
Nemes wit det dae eine gek vandaag oet is op wraak

Want dao is maar
Eine gek veur neudig
Eine gek is genóg
De telefoon geit in de rökzak
En dae trein vluug door de lóch
Eine gek is genóg

'n Kleutersjool, 'n festival
Nieks kries se ooits meer beveiligd
Taege dae eine gek
Dae meint det zien doel alles heiligt
'n Discotheek,'n supermert
'n Saoterdigse winkelsjtraot
Euveral is 't sjlaagveldj van dae eine gekke sjeldaot

Jao dao is maar
Eine gek veur neudig
Eine vinger op det knuupke
En die bos vluug door de lóch

Eine gek is genóg
Eine gek is genóg

't Is gin kwestie van veur taege heur
Van Shalom taege Bismilla taege Amen
Door det saort bange gekte
Löp 't net altied oet de handj
't Is 'n kwestie van 'n paar gekke
Taege ós allemaol same
En 't gekke is: edere gek haet altied
Ziene eige God aan ziene kantj

En dao is maar eine gek veur neudig
Eine gekke prie
Guf t'r de kienjer vrie
Dao is maar eine gek veur neudig
Eine gek is genóg
De telefoon geit in de rökzak
En dae trein vluug door de lóch
Eine gek, eine gek
Eine gek is genóg