Liedje oet de Echter Revue van 1995 'De Awverman Vertèldj'

Refrein:
Eine echte hiear van standj haet gein verstandj van zweite.
Eine echte hiear van standj dae zwètj neet môsse weite.
Eine echte hiear van standj kèntj allein mer constatere,
det t'r mèt eine bietje meutje waal kèntj transpirere.

Esse es boer gebaore bös
wètse waat sjtinke is.
Het hoonderehok de verkessjtal
Dao ruukse strôntj en pis.

Die vader stinktj, die mooder stinktj
Ze wèrke en ze maore.
Die weite waal waat zweite is.
Ze zeen bezwètj gebaore.

Weer kènne nog gein doesj of bad,
parfum, deodorant.
Weer ruuke oze eige reuk.
Det huërtj biej ooze standj.

En esse n't neet beater wèts,
den bösse draan gewèndj
en ruukse aan d'n echte hiear,
det 't auch nog anges kèntj.