Doe zaes diech.
En iech zègk iech.
Ich kal van veur.
En veer zègke geer tege geur.
Maar as veur dan allebei zègke waat veur meine,
dan is t'r hei geine, dae us neet kin verstaon.

Geur kint pune terwiel veur 't nog mit kusjes mótte doon.
Meh tege sjoen sjeun zèk geer zoe leuk sjoon sjoon.
Doe hoofs neet te vraoge boe iemand is gebore of getoge,
want aan die prachtige eige wäörd höbs se det geliek zo geheurd.

't Is ein taol/taal
't Is ein land(j)
Van Meulenhook toet Moelingen
Van Buul toet de Zelfkant(j)
Veur kinne ós versjtaon want allemaol
Kalle v'r Ein taol

Ich doon boodsjappe en doe duis kemmissies.
Euge klits hèt bei us gewoen krissie.
Ich höb effe mótte raoje maar noe weit ich:
Veural van zinge krieg ich sjevraoje.
As iech de microfoon pak,
gaon iech ouch door kappes en tabak.

't Is ein taal/taol
't Is ein land(j)
Van Meulenhook toet Moelingen
Van Buul toet de Zelfkant(j)
Veur kinne ós versjtaon want allemaol
Zinge veur Ein taol

Dan rieds se van New York nao California,
en doe heurs allein 'n klein accentversjil.
Fiets se van hie nao Horst-America,
en opèns kalle ze van Wae en gae, weej en geej of van wier en gier.
Meh det maak niks oet, want veur weite waat ze bedoele.

Want 't is ein taal/taol
't Is ein land(j)
Van Meulenhook toet Moelingen
Van Buul toet de Zelfkant(j)
Veur kinne ós versjtaon want allemaol
Kalle v'r Ein taol/taal