Refrein:
Geef os nog ein sjoeëtel beer,
Dat höbbe veer zoe geer,
Dat höbbe veer zoe geer,
Want veer blieve nog ’n eurke
En dan bouwwe veer ’n teureke
Van lèèg glazer beer !!

Al elf jaor is ’t carnaval
Eine gansen tied in de Geittesjtal
Wè haw dat kinne deenke
Wie d’n ierste prins mos kleenke?
Dus roop veer: ober, gèèf os get….

De jonges van de Raod van Elf,
Die weiten ’t al van zichzelf:
In Keer, in Berg of in Termaar,
’t Is altied weer ’t zelfde gebaar.
Dat glèèske mèt dat wit manchèt,
Dus roop veer: ober, gèèf os get…

Dit jubeljaor, ger wèt ’t waal:
Elf jaor Bemeler carnaval !!
Pie, Jean, Paula en Jeannet,
‘t hingt in de loch, ze ruuken ‘t
Carnaval kinste neet euversloon,
Dus roop veer: ober, laot mèr goon….