Refrein:
Weej zien ein groëte femiélie, weej allemaol beejein.
Weej zien ein groëte femiélie, dich en ik vân ein.
Want ûrges hebbe weej wât same.
En wal dât weej vân Adam en zien Eva kwame.
Of vân die slumme aape ok messchien.
Dât is waorum dich en ik allemaol femiélie zien.
Waorum weej ein groëte femiélie zien.

Heb geej dât ok dât minse dinke, wae ôf dât geej ziet.
Bis dich ni Baer vân Truus, ôf anders Handrie ziene Piet?
De lieks zoevuül op zus en zoë, de kôs mien naef wal zien.
`k zuuj wedde des dich d`r enne bis vân Toën en tante Mien.

Met Vastenaovend zuús-se alle minse dwars daorein.
Want dokters, slegters, straotemakers laupe naeve ein.
Verkleid is idderein met dees daag hiëlemaol geliék.
Gesjmienkt zuús-se ech gen verschil miër tusse erm en riék.

Met carnaval in Rio danse ze met hiël vuül oét.
En alle Venetiaane drage maskes op eur snoét.
De Rozenmontagzug is beej ôs buúre bônt gekleijd.
Jao euverâl is wiej beej ôs de joeks waor ut um dreijt.