Peepelke, kòm bie mich bènne-vleige !
Peepelke, zèt dich neir op mien handj.
Brings doe mich nuuts van de bloume dao-boete ?
Kumps doe hiehaer oet ei baeter landj ?

Peepelke, doe mit et vruigjaor gekòmme,
Sjteit de leeuwerik weir in de lòch ?
Sjtaon de Baenjes vol sjleutelbloume ?
Ich höb van de wèntjer zien teun zoo genòg...

Peepelke, zelf doe ei fladderend bluimke,
dat op zien vleugelkes toemlend zich heif,
om mich te melje dat 't vruigjaor noe dao is.
Danke, mie peepelke, peepelke leif.