Echte vlinders, die höbbe toch gein sjpang in häöre boek.
Nae, die vlege en die fladd're in de zón van sjtroek nao sjtroek.
Want nems hoof, as hae neet wilt, ein keske om zich haer,
en ein sjpang in ziene boek, det haet geine vlinder gaer.

Eine sjpring in 't veldj, de naam, dae zaet 't al waat det dae duit,
kan toch geine blok aan 't bein verdrage, velt d'r op zien kuit.
Dus laot 'm sjpringe as d'r wilt, geine miens dae 'm vertelt,
wie d'r sjpringe mót: hae kump vanzelf weer baove as d'r velt.

Eine flierefluiter flöt de ganse daag zien eige wies,
en hae zuut de miense kieke mit häör maske grauw en gries.
Maar naem 'm neet zien fluitje aaf, want fliere is neet fijn.
Nae, fliere en ouch fluite heure noe einmaol bei-ein.

Eine laeveskunsteneer is wie dae vlinder óngeveer,
want hae fladdert in de zón en geniet weer keer op keer,
van 't grote en 't kleine, dus naem hem zien laeve neet,
want eine laeveskunsteneer is zónger laeve neet kompleet.