Refrein:
os sjweikese dat blif toch
ein dorrepke mit allure
veer hobbe in os midde
nog echte dorpsfiguure
dao is joepke van de knar
en zef halmans mit zien kar
lambaer sjtruipt in de bosj zien aete
wae zou jan van toon vergaete
laot ze maer sjtilkes gewaere
ze gaeve kleur aan sjweikese.

de bergsjtraot is haog, de bergsjtraot is langk
mer dat blif joep sjiet egaal
oppe keol mit de sjop in de handj
geluifde joep 't waal
want wirke dat is get veur dom leuj
haet joep ummer gezag
en waor tevreeje in die 40 jaor
dat hae zich bie leenke lag

nog sjteeds allein, d'n hondj aan z'n ziej
woont zef onger in de sjley
hae goof jeeder vrouw sjus wat ze geer hauw
mer zef maakde gein behej
hae haet jao noats eine neudig
geine dokter in de boet
en is os zefke dan toch waal ens krank

eine sjweikeser jong dat is jan van toon
hae droog de vaan van de sjotteriej
jan kump hie nog dek, hae is gaer onger os
al woont er neet mee hiej
oppe brommer kump hae nao baove
ziene sjtraoljaeger eesjte klas
en haolt jan van toon zien sjaopkes van sjtal
dan haer er pas echte sjpas

hae't daaker gedek, hae's mets'laer gewaes
hae't alles al gedaon
mer 't sjaonste van al is veur lambaer smits
mit sjtroppe de bos in gaon
hae sjtruipt mesjiens 50 jaore
geine plis brunk haom tot sjtaon
hae is allein ram van de kaart
es veer mit sjteul sjuuve gaon