Refrein:
Vastelaovendj bringtj, waat os allemaol verbingtj
Want noow huuër, heej klînktj: eîn Limburg
Alles és versierdj, op muziek flînk gezwierdj
En noow preuf; heej viertj: eîn Limburg
Weem âl det schoeëne zuût, dae veultj meteîn
Hieël Limburg is noow eîn!
Boonte kleurepracht, lekker fieëste daâg en nacht
En noow kiek: heej lachtj, eîn Limburg
Slot regel laatste refrein:
En noow kiek: heej lachtj, gieët op volle kracht,
straoltj in âl zien pracht:
Eîn Limburg

Couplet 1:
Dao 14 leuke clowns, mét allemân zeen di-j op stap
Dao tél ich 7 dwerge, lekker lallendj aanne tap
10 dansmariekes oppe buhn(e) sprînge inne maot
En de joekskepèl di-j speultj noow mét waal 15 mân
op straot
Dit és ‘t fieëst waat mich bevéltj;
Och, waat heb ich aafgetéldj!

Couplet 2:
Dao luiptj de Raod van 11, hiêgendj achter eure Preens
Dao fladdere 5 feetjes, di-j vervölle ed’re weens
De kiet van 20 joonges, hölt de beker inne locht
Nao de jas van boonke 30 wurtj mét allemân
gezochtj
Dit és ‘t fieëst waat mich bevéltj;
Och, waat heb ich aafgetéldj!
Brök:
Di-j gekdje vingtj heej nemes raar
Bringtj edereîn zjuust beej mekaar
Limburg kân neet soonger
Oos 8e werreldjwoonger