Druk, druk, druk, druk, druk, ouwmuk, ig han ut druk.
Ig raak neet va mieh sjtuk en ginne kriet mig tuk.
Druk, druk, druk, druk, druk, ig han ut geër zoeë druk,
en zing va puur geluk ut volgend sjtuk.

D'r kop is mig aan't sjame, ig kiek wie votverbrank,
knik ummer joa en ame en krieg da sjtank vuër dank.
Ich han ut navelsoeze, bin krüts en kweer durgee.
Tog bliehf ig lekker broeze, ig raap mig waal beijee.

Ig zit òp hete koale want gister is neet hüj,
han löaker in de zoale, sjtres sjteet òp ut menu.
D'r boehk va mig, deë razelt, de moel hingt òp de sjoon.
En wat d'r miensj òg bazelt, elk sirkus zienne kloon.