Druime
In november begint ´t blood weer te kriebele,
en es de Flaarisse beginne te wiebele,
de opper geit in sjtilte in Gelaen op sjtap,
op bezeuk biej ein kommend heersjap.
En es de prins einmaol is gebaore,
en sjteit onger de buhne, sjtief van zenuwe te blaoze,
dan wets-te, ´t doert nog ein minuut of wat,
dan bes-te prins van de waereldsjtad.
Refrein:
Jeder Gelaense jong zou ´t wille waere:
Sjtadsprins, mit die patsj, die patsj mit al die vaere.
Jean, Wimke, Rico en al die angere men,
´t is get dat jeder gelaens jong ens waere kent.
En es sjtadsprins, dan wets-te, dat doert mer heel aeve,
want nao en jaor mos-te dae scepter weer aafgaeve.
Ein jaor vluug veurbeij in dien prinselik laeve,
maar prins van de waereldsjtad bos-te veur dien laeve.