Refrein:
Dan kunne we droeëme, droeëme mit de oeëge oop
Vier ‘t laeve, màk ‘t waor, vastelaovend, gènne slaop 

Couplet 1:
Sluut òw oeëge
Volg òw droeëme
Onder ut wake van de maon
Prinse, prinsesse, kroeëne en vaere
Kiender zien nòw wat ze straks wille werre
En een droeëm laot dat ontstaon
As d'n tied dan stil blieft staon
En mit vastelaovend de loeke ope gaon

Couplet 2:
De stilte gevange, ver weg gezet
Laeve kòm binne, noeëts mèr naor bed
Nòw is ut echt waor
Confetti as parels, raegent op òs
Liefde ien alles, d’n droeëm is begòs
Vur òs nog lang nie klaor
As d'n tied dan stil blieft staon
En mit vastelaovend de loeke ope gaon

Brök:
Màr as ut gedaon is en velt de laeste traon
dan gräöjt ut verlange, ut diepste verlange
Nog ieën kieër terug te gaon