Intro (gesproken tekst):
Leef luuj.
Gister leep ich mit mien paerd doer ut dörp.
Op de mert aangekaome, zaog ich uëveral kujj sjtaon.
Ich houw doersj, dus ich gong naor d'r salloon.
Ich zoog dat alles verseerd waor,
en ich besjlaot, mit uch vier ich vastelaovend.

Refrein (2x):
Ich bin d'r vastelaovescowboy en mien prairie is Gebrook.
Mien kuuj sjtaon op de mert en d'r saloon is op d'r hook.
Ich sjeet noe mit confetti van Vaols bis i Mook.
Ich bin d'r vastelaovescowboy en mien prairie is Gebrook.

Mien paerd dat neum ich Rosie, zoeë hoosj mien letste vrouw.
Mit höar kos ich neet danse, mien tieën bont en blauw.
Noe geit mien paerd op dansles, vieër gaon auch nao 't bal,
en dan rope vieër mitein, pas toch op vuër os zus bein,
hie kump 't beste paerd va sjtal.

En zeen vieër op de mert die kuij in gruupkes gaon,
dan griep ich miene lasso, ich wil ze zoeë neet laote sjtaon.
Ich zet ze dan in rieje, 't lukt, dat weit ich al.
En vieër danse mit vuur, zoeë 'n country-dance figuur.
Ich bin 't beste paerd va sjtal.