Dees letste rees
Die makste alling
Van kling woësite groët
Van groët ooch wer kling
Dees letste rees
Ich blief neëve dich sjtoa
Mè bie d'r letste sjtap
Mot ich dich loate goa

Want deë letste sjtap
Deë hüet d’r ooch bie
Loat los dieng gedanke
Maak dich noe mar vrie
Ich veul dich in mieng erm
Doa goonge v'r weer
Deë letste wals
Danste vuur ummer geer

En in gedanke pak ich dich good vas
V'r leëve os leëve en make veül sjpas
Ja vuur danse durch de nach
Doe bis licht wie ing veer
En döl van 't drieëne
Zette vuur os wer neer

V'r deelde alles saame
Alle leef en alle leed
Dat koester ich noe nog
Ondanks mie verdreet
Al deet ‘t mich pieng
En eindigt 't zoë
V'r zouwe 't saame
Zieëker wer üeverdoë