Al joare sjtoa ich rujjig op wach heij daag en nach,
Bewaak der sjelme-toeëre, weë how dat oeëts gedach.
Der ouwe toeëre sjteet nog, mè wie ich mich och drieën.
Ich han in al die joare, nog ginne sjelm gezieë.

Refrein:
Leeve, leeve Kuëb, 't is huuj karnaval.
Sjnap dich vlot e maedje, en kom da noa 't bal.
Doe bis in die gekke daag, dat zaage vier noe dich,
neet der Kuëb va Heële, mè va Sjpassemig,
neet der Kuëb va Heële, mè va Sjpassemig.

Ich krieg van al die moeziek der kriebel i ge lief,
en zow zoë geer ins danse, mè och, ich bin zoeë sjtief.
Daorum blief ich mar waakend heij op der Kirkpleij sjtoa.
Wen dan de sjelme komme, dan is et Kuëbke doa.