't Zóndigs, noa de hoeëmes, geet d'r Joeëhaan wer óp sjtap.
Dat is vuur hem al joare lank 't vuurrecht van d'r pap.
Heë drinkt ziech hij en doa e beer, is vol vuurdat heë 't wit.
En kiekt verwóngerd wen zieng vrau zeët: 'Joeëhaan, kóm noe mit!'

Refrein (2x) :
Joeëhaan, en noe daan, wat has'te wer gedoa ?
Doe kins noch nit mieë sjtoa, doe mós óp heem aa goa.
Joeëhaan, en noe daan, doe kins noch nit mieë sjtoa.
Doe has 'm um, doe mós óp heem aa goa.

't Kuëning-sjete óp de wíj, e fes vuur aod en jónk,
en óch d'r kirmes zóndig, wen 't s'mörges trukt de brónk.
Da geet d'r Joeëhaan noa d'r wieët, is vol vuurdat heë't wit.
En kiekt verwóngerd wen zieng vrau zeët: 'Joeëhaan, kóm noe mit!'

De herrezietstóng in 't dörp en óch de karnaval,
d'r Joeëhaan sjleet nieks uvver en geet truij noa gidder bal.
An tieëk is heë nit voét te sjloa, is vol vuurdat heë't wit.
En kiekt verwóngerd wen zieng vrau zeët: 'Joeëhaan, kóm noe mit!'