Refrein:
D'r hiering, d'r hiering, d'r hiering is oet 't vaat.
Hae makt 't ummer laat, sjtraks vilt 'r van zien graat.
D'r hiering, d'r hiering, d'r hiering is oet 't vaat.
't Zoer is häöm te naat, sjtraks vilt 'r van zien graat.

't Is weer vastelaoves tied, en ich bin miene hiering kwiet.
Wil ich 'nne hiering happe, is 'r mich zelluf gaon sjtappe.
Noe zit ich mit 't zoere naat, want d'r vösj is oet 't vaat.
Blup, blup, blup, blup, blup, blup, d'r hiering makt zich oet de sjtöp.

Drie daag vuuër 't hieringbiete, geit 'r zich uns drin sjmiete.
Mit de unne aan de vinne, sjpringt 'r elk cafeeke binne.
Hae danst dao en sjteit te zinge, höbs ze 'm ouch al zieën sjpringe ?
Blup, blup, blup, blup, blup, blup, d'r hiering makt zich oet de sjtöp.

Noe begin ich 't te sjnappe, hae wil ouch 'ns richtig sjtappe,
krieg de smaak dan good te pakke, lieët zich in 'n beervaat zakke.
Ich gun d'r hiering zien plezeer en laot 'm sjwumme in mien beer.
Blup, blup, blup, blup, blup, blup, d'r hiering makt zich oet de sjtöp.