Refrein:
Zak ins durch de kneie en sjtrek doa bei dieng erm.
Gank noa dreij kieer op en neer, dat veuls ze in dieng derm.
Noe pak ins mit dieng heng de veutjes op d'r vloeer.
Lukt dich dat noa weeke neet, da gank m'r bei e koeer !!!

De hobbies van ing hoesvrouw woar kinger en d'r maan.
Dat woeet dich vreuger al gezag, zurg goot veur dinge maan.
Noe, sins ee aantal joare zeuk ich de hobbies oet.
Drum bin ich bei d'r fitniss, weg oet die wil boet.

Vreuger woar ich zoee sjun, woee is d'r tiet toch hin.
De rolle hange aa mieng lieef, ich han ing doebel kin.
De kleier in de kleierkas zint alle veuls te kling.
D'rum gon ich noa d'r fitniss, dan pas ich doa wer in.

D'r lieraar van ut sjteppe, e sjtuk va 30 joar,
dee vroog mich gisteroavend: wils doe mit mich oet goa.
Ich sjrok toen en verkluerde, dat woar vuer mich gans nuij.
Ig dankte vuer ut compliment, mer blieef d'r man mer truij.