In Hoensbroek kreeg 't CCH, wie et ellef joar besjtong,
eine sjoane fiekus van der Sjra, woo aan ee kaertje hong.
En wit geer waal wat door dei man, doa op gesjreve woar ?
De vollegende tekste van de sjlager van 't joar:

Refrein:
Leeve jong, blief mit dien fikke van dae fijne fiekus aaf,
mer roop Gebrook alaaf, mer roop Gebrook alaaf.
Leeve jong, blief mit dien fikke van dae fijne fiekus aaf,
mer roop Gebrook alaaf, Gebrook alaaf!!!

Die plant woar get veur in de hal, zag Truus tège der man.
Ich vroag sjtrak noa de carnaval, of ich 'm höbbe kan.
Mer plotseling, doe sjnapte Math, zich doa die groeëte plant.
Truus dat 'm in de sjmieze had, reep toen vanaaf de kant:

Me hingt hie sjtrak van hook tot hook en auch van kantj pes kant,
veur jeker vinster in Gebrook, bie jekere fiekusklantj.
Deez weurd, me zuut ze euveral, me zingt dan van allein,
oet volle borst mit carnaval, dit fiekussenrefrein: