Refrein:
Kiek doa, doa kunt d'r dörpsgek d'raa
En óch huuj hat heë alwer datzelfde jeske áa
Mè mit die daag vilt dat neet óp
Went de welt sjteet dá finaal op d'r kop

Kint gier dat óch, va bei uch in de buët
Inne miensj woeë jieëkerinne döks al va had gehuurd
Hinger d'r ruk weëd heë gauw oeët gelache
't Mak hem nieks oeët went al sjnel da bedache:
Mit vasteloavend zöt dier graat zoeë wie mich,
Meneer-Mevrouw weëd da geweun doe en ich?
Um drei daag later wer sjtieëf durch 't leëve te goa
En es heë langs kunt wer lachend sjtil te blieëve sjtoa!

Vier dinke döks, aa d'r Sjeng va tant Fien
Aa d'r wandel sjtols de sjtroat aaf mit de lieng aa d'r knieën
Loog heem te voelense, daag op ge bed
Hool neet va voetballe waal va ballet
Ing vrouw die houw d'r Sjeng nog noeëts gehad
Droog vrouwluujskleier en woar mieëstaal in 't sjwat?
Heë had ieëgister zienge letste oam oeëtgebloaze
En is begrave mit ing ledder en ee loak in zieng hoaze!