de lange gang
e laeg befèt
de meiste luuj allang in bèd
de nachwaker kènt eindelik gaon sjrieve 
e vraem gezich
nog noots gezeen
mien God waat sjoon
wie zou 't zeen?
mit dat maedje op kamer neuge?
't sjtóng hie gister gans allein
de haore naat veul telaat
kóm bènne kèntj
hie is 't fein

doezend verhaole
doezend gedachte
doezend verlanges, gevange ónger e daak 
doezend keer aafsjied
doezend keer pien
zo groot wie 't laeve
maar dan in 't klein

de kok is kaot
hae knotert get
verkeer besjtek ligk opgedèk
"zilver jong, dat is wo veer hie mit aete"
en de resepjoniste aan de tillefoon
haet e rood gezich, "waat moot ich doon? 
Chinees!, en ich waar al noots zo goud in tale" 
maar welke taal de gas auch sjprik 
Chinees of Sjpaans, Japans of Grieks 
"bien sûr monsieur" is waat ich zegk

doezend verhaole
doezend gedachte
doezend verlanges, gevange ónger e daak 
doezend keer aafsjied
doezend keer pien
zo groot wie 't laeve
maar dan in 't klein

sjmurges vruig
óm een oer of vief
de eesjte gaste oppe tied 
ontbijt mit sjpek, en eier en tomate

en in de houte sjpeigel aan de moer 
't maedje van 't eesjte oer gelukkig maar
't haet goud geslaope
en in de herekamer weggesjtop 
mit de deur nog net neit in 't sjlot 
wacht de burgemeister op zien sop

doezend verhaole
doezend gedachte
doezend verlanges, gevange ónger e daak 
doezend keer aafsjied
doezend keer pien
zo groot wie 't laeve
maar dan in 't klein