D'n duvel is los, iederien an de kant
de werld ontaardt, 't leupt oet de hand
't giet gruwelijk mis, hel en verdoemenis
mar ik gaj ni mei, ik blief lekker in bed
als 't oeit zover keumt weare de diere gered
als d'n groete daag keumt dan is 't gedoan
of we motte met zien alle in de wei goan stoan

't giet allemoal good vur zolang als ’t deurt
mar d'r keumt enne daag dan is 't gebeurd
dan keumt 't met emmers tegeliek oaver os hin
dat is d'n daag dat ik beklaag dat ik geboare bin

want iederien luupt zich 't veur oet de schoon
wil van alles steeds mier en van alles nog doon
't gojje leave dat smakt, mar 't gewiete dat krakt
en pestoer goejt doar gear nog enne preak boavenop
'n paar minute vur twelf en doarnoa hult 't op
allien als ge braaf ziet zal d'n boet vur ow goan
of ge blieft mooderziel verloate in de regen stoan

't giet allemoal good vur zolang als ’t deurt
mar d'r keumt enne daag dan is 't gebeurd
dan keumt 't met emmers tegeliek oaver os hin
dat is d'n daag dat ik beklaag dat ik geboare bin

't leave is moei, mar als 't mislukt
dan hedde gefaald, dan werde geplukt
en zelfs op 't end gen mins din ow kent
want straks giet d'n boet en da mogde ni mei
al stadde verklied als 'n koe in de wei
als d'n groete daag keumt dan is 't te laat
ien ding is zeker: als 't reagent dan wuurd iederien naat

't giet allemoal good vur zolang als ’t deurt
mar d'r keumt enne daag dan is 't gebeurd
dan keumt 't met emmers tegeliek oaver os hin
dat is d'n daag dat ik beklaag dat ik geboare bin