Lets kwaam ik thoés met eine niejen bloës,
dae pas presies beej dich, zei miene sies.
Bluuske met pit, wao nog meziëk in zit,
uig mich, noow gaon ik wie ein riës.

Refrein:
Det duit daen bloës, waat ik dich smoës,
daen blieje blie bla blauwe gebloomden bloës.
Dae goof aan mich, ein nie gezich,
daen blieje blie bla blauwe gebloomden bloës.
Det ik zoë doon, zoë wie ik doon,
det duit dae bônt en blauwe gebloomden bloës.
Ik veul mich net zoë wie ik weit neet wie,
met miene blauwe blome bloës.

Zoë wie ik mich daen blome bloës aan doon,
jông, dan gedraag ik mich wie eine kloon.
Tiën jäörkes jônger en ein bietje wauw,
zoë gaon daen bloës en ik op sjauw.

s'Maondaags môt ik dök in mien haempke staon,
dan wuurt daen bloës weer in de was gedaon.
Nao ein paar rundjes door 't wasmesjien,
swink al 't wasgood aan de lien.