Veurwoord:
Bert Janssen kump trök vaan z'n zoeväölste vergadering,
die e bitsje is oetgeloupe tot 's mörregens haaf nege.
Kump langs 'De Struys' en huurt dao eine op 'n fiejoel speule.
't Regent piepestele: Bèr Schiffeleers is binne aon 't
rippetere op z'n fiejoel veur e karnevalskonzèr.
Bert wèlt nao binnen meh de deur is geslote; 'r klop en reup:

Bèr, Bèr doeg 'ns ope, heij zoe mèt Bert!!!
De bis op d'nne kop gevalle, 't is nog tow.
Wat nog tow, wie kin dat noe, iech huur toch 'n fiejoel fiedele!
Dat bin iech zellevers, iech bin aon 't rippetere.
Rippetere? Mèt dat weer, doeg ope maan,
gôh 't regent tot 't s ... bars, allèh Bert.
Daan kom mer in, 't zow jaomer zien este naat woors.
(De deur geit krakentere ope)
Mieljaar wat zuus tiech oet, de bis sjus 'n verzope kat!
Jeh vinste 't gek, iech staon al 'n haaf oor in de rege heij.

Naowoord:
Bèr vergit de deur te slete en begint te fiedele,
nao 'n menuut of twie koume e stök of daartig kasteleins in,
die 't leedsje ouch gerippeteerd hadde en beginne oet volle
boors mèt te zinge: Lalala ... lalalalalala enz.

Op 't lèste zien ze zoe meuij tot allein Bèr nog 't ind haolt.