Refrein 
Det jao det mot in de gezet
Al is ut met un pen neet te besjrieve
Det jao det mot in de gezet
Zoedet ut dan vur good bewaard zal blieve
Dit prachtig stukske Limburg
Det kriegt gae zwart op wit
want det jao det det mot in de gezet

Couplet 1 
Al wat ich huur
Al wat ich zeen
Ving ich duk neet biezonger
Ich wacht al jaore wies ut kumt
Ut neije wereldwonger
Mer he kiek heij
Heij lupt mich toch get machtig sjoens vurbeij

Couplet 2 
Al wat ich huur
Al wat ich zeen
Det krieg gae op un bledje
Wie limburg “ vastelaovend’ kleurt
Det geft un prachtig pletje
Want he kiek heij
Heij lupt mich toch get machtig sjoens vurbeij

Couplet 3 
Al waor ich kiek of loester
Dao host ut en ut zingt
Ich bin ongerstebove
Van wie det uigt en klinkt
Mer wie se ut auch kiers of dreijs
vastelaovendvierend limburg
blieft ut allerbeste neijs