Refrein:
Mèh och wie jieëkre gek, han ich och mie gebrek.
Joa, mit inne pungel aan inne reem, doa-in ing botram mit get zeem.
Zoeë sjneur ich berrèg op en berrèg aaf.
Van Venlo bis Mestreech, en van Maasbrach bis Greevenbeech.
En jiekeree begreus ich mit: Allaaf !
Heij bin ich riek, al hub ich nieks, heij bin ich heem.
Mit inne pungel aan inne reem, doa-in ing botram mit get zeem.

Zoeë ins per joar, da kunt et wer: da mot ich oet de boet.
De welt i trekke wil ich dan, ich bin dan: 'In the mood'.
'Ne koffer, tent en ing ouw pan; 't globetrotte sjtarte kan.
Die beij os heem, die zegke dan, dat ich 'ne sjlaag in 't koffer han.

Ich broezde al, durch Limburg heij, dat gong doe nog te voot.
Van Eijsden tot de Mookerhei, in 't bronsgreun eekehoot.
Der pungel joa, dat is gewis, vuuër 't globetrotte richtig is.
Op dees maneer, doa zuuste in, wie sjoeën os Limburg is.

De ganse welt, die mos ich zieë, get liere va kultuur.
In Tuddern op safari, joa, zoeë gans in de natuur.
Ich woar al op d'r Eiffeltoer; woar noch mit 't maedjes-koeër.
En volgend joar 'ne marathon: 'ich möcht zu fuss noa Kölle jon'.