Refrein 
Hey doe dao! Dae op dat steulke zit
Noe stank eins op en doog eins lekker mit
Want doe zits oos bewêrlik in de waeg
van al dat zitte luipt dien
vastelaovesbatterieke laech!

Couplet 1 
Vastelaovesbatteriekes zeen in alle maote
Höbs kleine êksemplare en ouch dëks die jèle grwate
In Limburg waer ver allemaol mit ein batterie gebaore
En maaks te veul plezeer en spas dan greut ze mit de jaore.

Couplet 2 
Ein vastelaovesbatterie die kèns te ech neet koupe
Die mós te völle door ‘t jaor, kiek de maeter mèr eins loupe!
En mit de vastelaovend steit de batterie op sprénge
en kénne veer weer 3 daag lank danse, lache, zénge!

Couplet 3 
Pas op veur ‘t gevaor, want ouch dich kums ‘t eins taenge!
Geluif mich ‘t is waor doe moos ech blieve bewaege!
Want geis te zitte op dien batterie dan luipt ze laech,
en dan zit ste oos allemaol allein mèr in de waeg!