Zegk moag ich in de categorie: vrieje tied
Van dich die tieën vakantiedaag
Mit mien waterskies sjtoan ich op de piste
Ich bin eweg es ‘t effe kint of maag

Zegk moag ich de categorie: verloare tied
Die twieë waeke dies du kloawdes van mich
Mit dat gebreuzel en vergader uuver alles en nieks
Ich zegk ‘t dich rech in ‘t gezich

De tied vluug vuurbie
Haste get tied, kom hie mit dae tied
De tied vluug vuurbie
Alle tied, alle tied bin ich kwiet

Zegk moag ich in de categorie: komkommertied
Get actie, get gedeuns van dich
Dat d'r eindelik ins get gebuure maag hiej
In die vuurspelbare welt va mich

Dan krieste van mich in de categorie: carnavalstied
Inne kater en get schlagers van mich
Get verscharreld beer, mien pruuk vol confetti
'N sjorre stum en e mommegezich

Zegk moag ich in de categorie: sjoëne tied
Die werme nachte op dat terras
Siterke verhoale, lekker aete, fantasie
Vol mit passie en mit sjpass

Dan krieste van mich in de categorie: kloëte tied
De nachte die v'r waakte aa dat bed
In volle vaart noa ‘t ziekehoes
Advertenties in de gezet