Wäörtj de sjtempel weer op mien handj geduutj,
is Vastelaovendj väör mich ingeloedj.
Ein träönke daaltj den neer äöver mien wang.
Hie op höb ich gewachtj, ein hieël jaor lang.

Mien sjtamkaffee is de Vastelaoves-tempel,
hie kinne wae geine drempel
Griep ein pilske bie de kraag,
en proost op 't sjoeëne det kome maag
Wae danse van plezeer en de lol,
zeen ich dae sjtempel sjeet ich hieëlemaol vol

Refrein:
Drie daag eine sjtempel, vanne Vastelaoves-tempel
Drie daag zwejje zjwiere, Vastelaovendj viere
Drie daag zal ich mich gaeve, echt hieëlemaol oetlaeve
Want as de sjtempel is verwaerdj en ich nao boete bön gekaerdj
den bön ich klaor, toet 't volgendj jaor

Dien sjtempelkaart Petrus inne hemel toeëne,
hae zal dich den diek beloeëne
Elke sjtempel op die kaart,
is bewies van plezeer en van gooje aard
't Is ieërlik waor en ouch gaar gein grap,
doe kries ein wölkske hieël dun bie de tap

Op asgoonsdig zit ich sjtraolendj väöraan inne kèrk.
Det fijn geveul is den hieël sjterk
Dit haaj ich echt noeëts verwachtj.
Dae sjtempel haet mich hieëlväöl goods gebrachtj.
Dus sjpaar die sjtempels zoeëväöl se kins,
Doe investeers den in dichzelf as mins