Refrein:
Bij Sèwwiet ien de Holtstraot, zien alle kiender blij.
Op zondag nao de hoogmis, stôn wij dor ien de rij.
Vör zuutholt of 'ne dropcént, vör snol én lékkei grèj.
Bij de Sèwwiet ien de Holtstraot, dor zien alle kiender blïj.

Die kiender vuule zich zö riek, 'ne stuuver ien de hand.
Mar dá is bij Sèwwiet zat, dâ wèt toch jedre klant.
Enne gulde is al vulsteveul, ge wèt ów dan gèn raod,
trèkdrop, zuutholt, groote lollie, visgért en ok plantezaod.
Ja, van Diek stónd mit zien Lieske steeds wèr vör óns klaor,
steeds wèr vör óns klaor.

En was 't dan wèr kérremes, dan stónd Van Diek dor ok.
De Mért was dan zien vaste sték, bij karriljon én klok.
'n Toffel vol mit stokke zuur verkócht Van Diek án straot,
trékdrop, zuutholt, groote lollie, visgért én ok plantezoad.
Ja, van Diek stónd mit zien Lieske steeds wèr vör óns klaor,
steeds wèr vör óns klaor.

Bij Sèwwiet wèrt nog steeds verkócht, mar nów gèn snuupkes mèr.
'nen Békker drääjt dor nów zien pöt, ze haole ze van vér.
Waor kan ik nów vör snol terécht, ik weet mien nów gèn raod,
trékdrop, zuutholt, groote lollie, visgért én ok plantezoad.
Ja, van Diek stónd mit zien Lieske steeds wèr vör óns klaor,
steeds wèr vör óns klaor,