(dao waor ins ‘n kooj, meh dat waor gein kooj ...)

Ach, veer zien al zoe lang aon ‘t zeuke nao die ein groete hit,
zónge wijskes mèt väöl ambiance, mèt esprit en mèt pit.
Zjuulke, Harie, Philomène, brachte veer veur ederein.
Meh dat leedsje vaan die kooj waor ‘ne misser.

Ach, veer zien zoe sjeloes op Frans Theunisz, mèt zie groete suukses.
Beppie Kraft heet de ein nao de aander gouwe plaat in häör tes.
Toch zien veer ouch good op weeg, meh de zaole blieve leeg,
door dat leedsje vaan die kooj, dee groete misser.

FietseFreem, geit mer wijer, nein die lui die kinne neet kepot.
Lèste Aom geit zoe good, meh dat is logisch, want die höbbe God.

Johnny Blenco, dee maak ziech mèt zien stum en zien leedsjes bemind.
Croonenberg en Puts zien door de ganse provincie bekind.
El Capsones geit hiel hel, Ezzebleef zeet daankewel,
meh veer blieve zitte mèt dee groete misser.