De late
Ik heb gans verkiërd de wekker geliërd,
det duit mich zô'n verdreet.
De meister zag zelf, ze löp maar wies twelf,
en wiejer wisse neet.
Maar wie ze ouk dreit of waat ze ouk sleit,
al löp die klok ouk door.
Ik wis zoëgezag van nao middernach,
nog noëts d'n tiëd of oor.
Refrein:
Ik woel maar det ik wis, wie laat of det 't is.
Mien mooder haet mich zoë gezag,
de kumps mich neet te laat vannach.
't Is nôw maar de zaak, det ik nemus wakker maak.
Det nachgebraak det bin ik muug,
en daorum gaon ik maar morgevruug.
Toen veurgisternach de pliesie mich zag,
zeg is 't weer zoë laat.
Ik zag: ' kôm en kiëk, ik loup ôngeliek,
des net waat ik zoë haat.
Ik heb gennen tiëd en 't is nog zoë wiëd,
van heej wies aan mien deur.
As gej achter loup det schaelt ennen houp,
dan loup ik vasses veur '.