De lètste snip
Refrein:
D'r zit gèn snip mèr ien mien knip, gèn naagel um mien kó.nt te krabbe.
't Waoter stèt tot ân mien lip, d'r zit gèn snip mèr ien mien knip.
De kunnegin zèj lètst nog: alle minse motte trug,
Da wil ik dan wel vör hör doen, mar dan nie al te vlug.
Ge gleuft toch zeeker èèges nie, dat ik dat aoversloj.
Mit carnaval mot ik altied nog èfkes nor 'De Koj'.
't Schlagerbal begint 't mit, wïj zien d'r altied bïj.
En dan op nor 't Prinsebal, de nïjje Prins hiet Thèj.
Betaole motte aoveral mit munte van 'De Kroon',
dèn hèt 't goed bekeeke, dèn slimmerik, dèn Toon.
Wor vroeger uut de muur alleen mar wat te èète kwam,
tapte nów de flappe, nee, dat is echt waor, gèn gezwam.
De snippe kómme uut de muur, ge snapt nie hoe 't kan.
Dâ kan mien ok nie gèève, want we neeme 't 'r van.
As ik dan mit Aswoensdag ok wèr nor d'n Dèèke goj,
en bïj hum ien de rïj vör 't assekruuske stoj,
dan bin ik ien gedachte bïj d'n hèrring dèn ik schèl,
en trèk ik vör 'n rönje al snel wèr ân de bel.