Ôs ganse koedeljach is weer beejein gebrach
Dae bônte zaolentrein dae slingert achterein
Weej hebbe allemaol die schoën femieliekwaol
Jao miene leeve schat weej hebbe altiéd wat
Want lol en plezeer is laevesmedicien
Daomei môsse noëts nae noëts te zuunig zien
Ôs ganse koedeljach det is um te bäöke van de lach

Weej zien toch femielie al is 't wiéd eweg
Wae good kint bliéve plekke kint zoë beej ôs terech
As lid veur spek en boëne lachse dich de miés
Ôs koedeljach die mak dich einen dieke wiés

Weej doon zingend praote det duit ôs neemus nao
En uig ens wie weej loupe de neuze achternao
Ôs joekskepelle staon weer mit de kuit veuraan
Twië vingers in de neus en dan d'r taegenaan

Och jao, det kump d'r ouk nog beej
Die ganse koedeljach ziet geej en weej
Die moeie pöl en ouk daen höllewöl
Kôm laot ôs same nog ein rundje spaaje, ôs begaaje!