‘T is zoë get wie inne 1-richtingswaeg
Doer de tunnel en dan rechtsaaf
Bie de poort doa sjteet inne vusjer
Dae hilt van moppe dus roop Alaaf
Da komme wolke wie kastieële, zwummend in ‘t leech
En velde woëste dich neet hoofs te jaage
Gevuld mit goodheid en plezeer, ummer ech ‘t sjoënste weer
Geen loket woëste dich weer ins wils beklage

In de hieëmel wuurt gedanst
Omdat jiekere daag ‘n bietje leed geleeje is

Joa ze danse doa, ginne polonaise
Subtiel, ‘n paar minute kier op kier
Neet zoemar, ze hubbe get te viere
Sommige probleme besjtoan neet mier
De vrouwe kriege langzaam aa mier rechte
Niemes kint mier sjterve aan de pest
En es de tied tikt, dae eigelik vuur hun sjtil steet
Kumpt ooch de oplossing vuur de rest

Anne Frank sjrieft de sjonste beuk doa
En griept eindelik heur kans

En Martin Luther hooft neet langer mier te druime
Hae danst mit Jeanne d'Arc in zien party-tent
Maria Callas zingt doa mit Evita:
‘V'r hubbe eindelik inne zjwarte president’
En John Lennon dae hilt van relativere
Begint mit Willem van Oranje ‘n sjutterie
Vergaeve, neet vergaete, kleine sjtepkes
In de richting van de echte euforie

En 't sjient dat Albert Einstein
Mit Marilyn Monroe hat gesjanst