De here en de jonge

Tekst: 
J. Hendriks
Muziek: 
J. Innemee
Artiest: 
Carboon
Album: 
Witste nog, koempel... - Killroy 16919

De here mit d'r kraag en de biend en d'r hood
en de jonge mit de kap en 't koelwirk in 't blood
de here mit de herses en de ciefers in d'r kop
en de jonge mit de sjöp en de koale boave d'rop

1. Me hauw diekköp wie d'r Groëthof en d'r Wemmers en d'r Raedts
die woste alles beëter en die sjproke och nog sjtaats
en koelköp wie d'r Lamber en d'r Tuuën en d'r Sjeng
koste deun nit teëgesjpreëke, want die sjproke mit de heng

De here mit d'r kraag en de biend en d'r hood
en de jonge mit de kap en 't koelwirk in 't blood
mar d'r heer mit de herses droog de kroën op d'r kop
en d'r jong mit de sjöp kreeg de koale boave d'rop

2. Vuur de kluuëtjes mit 'ne titel woar 'n villa mit chauffeur
mar de jonge mit de patsj die moste lope op de blöar
woasjte heer, dan doogste dinkwïrk, hauwste moelwerk, zoëgezag
oane hood, dan doogste voel wirk, kroogste 't koelwerk bijgebracht

3.  De here in d'r zjwatte toog, mit böadje en tonsuur
die zote mit de pietebere hej an 'n besjtuur
de kamerade van Rolduc versjtonge zich wal same
en de jonge mit de sjöp knikde rujjig joa en ame

4. Zoëgaar deë dweësje Poels en ziene vrunk, d'r Doames Frens
en jonge wie d'r Maene of d'r ouwe Palme Hens
die kalde mit et Sinte Berb en beende bej d'r Paus
woeste doe es koempel ongeni zoë veuel och neet an hauws

3e here mit d'r boek, de sigaar en d'r hood
en de jonge mit d'r Sjioemel enne hart va good
de here van d'r eenheidsbond, d'r katholieke kloep
en d'r jong mit d'r pungel bleef d'r erme sjloep

5. Al die here mit d'r hood en al die jonge mit de patsj
die hont e goed sjtuk werk gedoa, mar dat likt in d'r pratsj
de here mit de herses en de jonge mit de sjöp
die trekke noe de rente, joa, mar wee zit mit d'r sjtöb?

6. Tesame hont ze 't opgebouwd, de koale-industrie
de jonge van de vil las en die oet de kolonie
mar woë is 't noe gebliëve, dat miljoënerendement?
d'r Mijnsjtriëk kinste geile vuur e knepke en 'ne cent

De here mit 't geld hont noe e dieker kapitaal
de jonge mit de sjöp hont noe 'n sillicosekwaal
de here mit de cente hont et sjpek al.
lang geïnd mar d'r jong mit de kap vrit de iëlend van de plint