Inne heerlijke daag, ’t plein sjteet vol
Sjtartsjot gegeëve, ze sjlont op hol
Al die renners, die truitjes, wat ing klüer
Geluid van fietse     is al wat ich hüer

Lekker racen, lekker sjeeze    durch de natuur
Dat is pure sjport, doa deeste ’t toch vuur
La la la… Dat is pure sjport, doa deste ’t toch vuur

Zoë vöal kilometers motte ze vandaag
Flink get pasta in d’r maag
De ieësjte sjtond   40 in ’t oer
Die erme knechte    zint kapot op d’n doer

Wat e gerace, wat e gesjees,    wie zoë natuur
Vuur d’r kopmaan en de cente, doa deeste ’t toch vuur
La la la…Vuur d’r kopmaan en de cente, doa deeste ’t tovh vuur

Doa zint de ieësjte bergsjkes, dat is toch nieks
De Alpen, da’s pas klumme esse noa de TV kieks
Topatlete, kotsend, gezich vol sjnot
Deë Eyserbusjweëg    klum ich op es ’t mot

Wat e gerace, wat e gesjees, trap mich kapot
Es ich nit oppas, ligk ich drek nog op de vot
La la la …Es ich nit oppas, ligk ich drek nog op de vot

Limburg plateauland, ze klumme zich rot
Deë kloëte Keuteberg, doa geeste kapot
Van dat drieëne en dat kere wieësjte hoorndol
Dat hilt ’t sjterkste peëd nit vol

Wat e gerace, wat e gesjees, kiek ‘ns doa
Zuuste wie die renners noa de kloëte goa
La la la …Zuuste wie die renners noa de kloëte goa

Valkenburg  eindelik, ze zint beenoa doa
Kiek ze op d’r Cauberg op de trappers sjtoa
41 finische, 40 geklopt
Vuur inne is de roem op    dizze Limburgse top

Wat e gerace, wat e gesjees, sjport zoë puur
D’r winnaar kust de Rondemiss, en die is puur natuur
La la la D’r winnaar kust de Rondemiss en die is puur natuur

(3x) la la la