Pré-Refrein:
Vrief langs de flèsj, hawt in dae’n aom,
Lèt op, lèt op, dao kump de sjwaam!

Refrein :
Dao kump de geis oet de flesj
V’r zeen weer dao, veer zeen weer trök
De geis oet de flesj, auw tradisies, nuuj gelök
Veer gaon los, los, los, ’t kènt, dat mèrkse waal
Veer gaon los, los, los, zèlfde weurd, nuuje taal
Veer viere hiej saame dit jaorlikse abnormaal

Couplet 1:
Veer zaote thoes, hèjse dat gedach?
Niks veel te belaeve
De nach woort daag, de daag weer nach,
al leek krèk òm ‘t aeve
Mèr de geis vrie, oet de flèsj,
oos kluër trök oppe wange
Jòngste sjnaak en awtste bèsj,
zeen noäjt väör ein gaat te vange

Couplet 2:
Kiek oos noe toch èns hiej zoä loupe,
mit allenèj ein maske op
Zit ouch daag in, daag oet te houpe
dat dees gèkkigheid gaw sjtop
Opnuuj sjtrak van acquit,
begint ‘t uch te daage
Òngerhawf is noe te wiet,
mèr ’t sjpèl kump oppe waage

Brök:
Ès doe de geis nao boete liës,
dan gaon v’r sjtrak mitein op paad
En vier v’r dit unieke fiës
Ich weit ‘t zeker, ’t kump vreug of laat…

De geis oet de flèsj | de drök, de sjtoum, doe hils ’t koum
De geis oet de flèsj | dao kump ‘r aan, dao kump ‘r aan