Refrein:
Alaaf, Gebrook Alaaf, ich num mien petje vuër dich aaf.
Vier jaegesj va Gebrook, vier sjete raak i jiëker hook.
Gerich, waerd op de sjpas, want dat kump os good va pas.
Danse, sjpringe, 't daak gaet 'r vanaaf, Alaaf, Gebrook Alaaf!

De vinger aa de trekker, da veul ich mich weer lekker.
Breuker Jaegesj zint toch oh zoë riek.
Mich huurt gaene klage, genog um op te jage.
't Is neet allemaol ze wie 't liëk.
En es 't jachsezoën begint, trik ich d'rop oet, dat is bekint...

Kiekt mich da zoen hertje, zoen klaen Gebreuker hertje,
mit twieë allerleefste eugskes aa,
kin ich 't neet laote, jaag 'm doër de sjtraote,
mer ich raak ech nog gaene hauve haan.
want es 't jachsezoën begint, sjeet ich 'n bok, dat is bekint.