Refrein:
Es de bok ens geit en de geit ens geit, van de mörge tot de aovend.
Es de bok ens geit en de geit ens geit, joa, dan is 't vastelaovend.

Fièste kèn ver hie in Stein mer al te good,
vastelaovend viere, jao, dat zit ôs in 't blood.
Jônk en auwt kriet dan de kriebels in de bein,
want dat höbbe weer hie bie ôs in Stein.
Waeke veur de vastelaovend, saame nao de tent,
kieke, loestere nao artieste of enne gooje bend.
En zit de stömming dan al good d'r in,
jonges, dat is nog mer 't begin ... (want)

Sprènge, danse, zènge, saame in de maot,
maskes en verkleide zuuste op de straot.
Mit die daag, dan hilt dich dan auch geine vas,
drie daag langk maake weer dan lol en sjpas.
Den optoch truk dan aug door hièl ôs Stein,
van wiet en ziet kump hier dan ederein bie-ein.
En huèrste van de mörge tot den aovend,
hie bie ôs in Stein, dao is 't Vastelaovend ... (want)