Zjeng, de kwetsjbuulspeuler huurt me euveral.
De jazzbandsleger, dee maak väöl kebaal.
De verkers huurste knorre in hunne stal,
es in Ittere de boer weer op de broelof dans.

En d'n dikke Zjeng, de zoon van Winckes Zjuul,
dee kump mèt hoonderd kilo op d'r buul.
Hopelek blijf in zie lief alles gans,
es in Ittere de boer weer op de broelof dans.

Refrein:
En noe iers links um, en daan rechs um.
Hei lèt op, ‘t beer geit um.
Iers links um, en daan rechs um.
Lui lèt op, de taofel en de steul goon um.

Aon de taofel weurt ‘n eder good verweend,
‘n dik, vèt verreke gans op gedeend.
En per kop is dao ‘n sjoen vètte gans,
es in Ittere de boer weer op de broelof dans.

Ouch ‘t dörpspestuurke steit al gaw op koke,
es door t'r duvel aongestoke,
geit heer mètdoen aon ‘t feesgesjrans,
es in Ittere de boer weer op de broelof dans.

En dao boete, zuug dao kump d'n daag al aon.
De zuus Jètsje mèt pak gezètte goon.
‘ne Vreugen haon, dee verrèk haos zien pans,
es in Ittere de boer weer op de broelof dans.