Es de bleëdjes van November hunne tied höbbe gehad
Vilt d’r ooch e sjtuksjke sjtilte in de sjtroate van de sjtad
En v’r loope get verlore, kieke dreumend um os hin
En vuur misse wer die luj, die d’r joamer nit mieë zint
Tussje twieë pöt mit chrysante, trekke vuur dan durch de sjtad
Es de bleëdjes van November hunne tied höbbe gehad

Es d’r hieëmel van November sjteet te reëgene in de sjtad
Dinke vuur wer aan die luj, die vuur hant leef gehad
Ich weet nit wat ich mot zaage, ich gêl e blumke, juus wie gier
Want e blumke zeët mieë wie wüed, waal honderddoezend kieër
In d’r reëge van November koome vuur dan noa de sjtad
Saame noa die luj van vreuger, die vuur hant leef gehad

Es vuur later in November ooze tied höbbe gehad
En vuur ligke doa te ruste midde in de sjtad
Sjtond os keenger mit e blumke get te mompele teëgenee
En zoë zint v’r in November wer ‘ns allemoal bie-ee