baove langs de waeg nao poth
ligk ooze blauwe sjtein
sjus efkes ligk er in de got
al eewe achterein
beugels kaom ens kieke
en zag: weg mit dae kraom
ut zou doew gauw al blieke
wo ooze sjtein haer zou gaon

Refrein:
al jaore achterein ligk dao de blauwe sjtein
de berg op dao baove in 't veldj
sjweikese gans allein is dae sjaon blauwe sjtein
nog doezend keer mae waerd es geldj
en es ouch eine kump dae dae sjtein mit zich nump
dan haole v'r 'm zelf waal trok
want veur wae dat neet wos, dae sjtein blif hie bie os
dae brink sjweikese nog gelok

beugels jao dae maakde get
nao 't stort ging ooze sjtein
maer ben hoofs en meister ed
die pakde zich biejein
en mit die van sjenne
dabden zie in d'n drek
twee maeter deep dao benne
dao laog ooze sjtein noe krek

beugels haet 'm trok gebrach
hae zat 'm in 't plantsoen
doew hobbe veer 'm omgelach
want dat waor gein fatsoen
ooze sjtein ligk good noe
dat hobbe v'r zelf verzorg
eind'lik haet er zien roe
dao blif sjweikese veur borg