Refrein:
Dao es dör eine dae ich met de vastelaovundj
neet wil zeen; de belastinginspecteur
As dae erme mins zoeej wieete waat ich saovus
beej vurdeen, raaktje lieeluk oeeversteur
Miêne naam es 'Beun de haas' en mien sentjes zeen mich leef
Krieg ze netto in ut hentje, astebleef!
Dao es dör eine dae nog niks te klaage hieet
en det ben ich, ich gaon vurkledj as blauwe breef

E kaemerke behânge of wat kaebelkus vervânge
Jong, det doon ich nao de tiêd;
Laotj mich schoefele en spaaje, kérke losse, kérke laaje
Nein dao gieet mich niks te wiêt
Unne auto demontieere naoderhând weer ripperieere
Bin ich dan e schruufke kwiêt
Krieg ich trubbels met dae goodgemoodje klântj, zegk ich:
'Jong, maaktj uch neet drök, niks aan de hând'

Mer met dae vastelaovundj, pak ich vreej, en eedere aovundj
Zeen ze mich dan in de stad
Want di-j sentjes motte rolle, ich bestel mich unne volle
'Dootj de rest heej auch mer wat'
Mer opeins en det es bale, zjuust as det ich mot betale
Veul ich niks, mien tes es plat
'ch vraog mich aaf woee det mien buuers geblieeve es,
want ich heb allein e schruufke in mien tes