Weurs neet es Bèsj gebore, mit kasjevekske aan.
Dat kumpt nao veule joare, dan krieste zwao ein baan.

Refrein:
Trekke in Stein door de straote,
kônne 't lônke neet laote, en knikke en praote,
mit graot en klein. Es ein Bèsj van Stein.

Zeet geer de Bèsje loupe, is get te doon in Stein.
Fiès of get te verkoupe, dan vênje weer zoa fijn.

Veer mit oos tearten rôkskes en ôs kornetje op.
Strikke nog zelf de zôkskes, 'n bèsj dreit niks in de sop.

Veer zin ein Bèsj gewore, v'r blieven traditie trouw.
Lieken weer auch op jaore, zin mit ei fiès op sjouw.