Refrein:
Doe bès en doe blifs toch de bèste veur mich
Mit dich is d’r gaar oet niks mis
Daoróm vier ich gaer vastelaovend mit dich
Doe bès de allerbèste dae d’r is!
Zoa'ne vastelaovesgek is d’r mer eine
Mèr es ich 't dich neet zègk dan zaet 't geine
Doe bès en doe blifs toch de bèste veur mich
De baoveste bèste dat bès dich!

Ich bèn besjlis de sjlumste neet
Ouch neet zoa biederhandj
Ich bèn neet knap zoa wie't geer zeet
Höb neet zoaväöl versjtandj
Mer es d’r get te viere vilt
Dan bèn ich nummer ein
Gein minsj dae mich dan taenge hilt
Dan zunk hiej jederein

Mer is de vastelaovend dao
Dan weit ich van besjeit
Nae, geine gek deit mich dat nao
Ich bèn te gek verkleid
Ich veul mich top, kóm neet meë sjtop
En jederjaor opnuuj
Zèt ich de tent weer op de kop
Dan zènge alle luuj