Refrein:
Doe bös neet good wiës, doot toch neet zoea nut,
Doe bös eine bäökert, maak dich neet zoea drök.
Doe bäöks d'n ganse daag door en zeiks mich aanne kop,
Ich kin dich neet miër lieje, dus sop 't dich mèr op.
Sjei noew toch ins oet, en doot mer lekker mèt,
Driej daag neet miër bäöke, want de Sjaopkop geit väörop!

Vastelaoves zunjig, om twië oër aanne sjtraot,
Sjting ein kindj te janke, och waat waas d'r kwaod.
Hae kreeg gein inkel sjnuupke, van de groeate Prins.
Mooder goof ein tikske, sjtop toch ins.
Dae wage mòt nog komme, met de ganse Raod!

Vastelaoves maondig, op 't Kloonebal,
Nao ein lekker pilske, kwoom ein kloon ten val.
Mèt ziën roeaje naeske, op dae helle vloer.
Eemes dae 'm optrok, zag 'doe lompe boer,'
Sjtank toch neet te kwaeke, mèt de carnaval!

Väörig jaor asgoonsdig, woor 't al gedaon,
Hae haaj geine scepter miër, leet ziën vaere sjtaon.
Eemes mòs 'm truëste, auch al kos det neet.
Doe bös miene leefste, bäök mer neet.
Doe bös geine Prins miër, laot die träönkes gaon!